किस्मत २ को शुभसाइत


बुधबार भदौ २३ , २०७२

  छबिराज प्रोडक्सनको व्यानरमा निर्माण हुने फिल्म किस्मत २ को शुभसाइत गरिएको छ । कमलादीस्थित गणेश मन्दिरमा फिल्मको क्ल्याप र स्कृप्ट पूजाआजा गरि शुभसाइत गरिएको हो ।
 बिहीवारबाट छायांकनको लागि जोमसोम जाने बताईएको यस फिल्मलाई ऋषि लामिछानेले निर्देशन गर्नेछन् । यसअघि यो फिल्मको निर्देशन श्याम भट्टराईले गर्ने तयारी थियो । श्याम अमेरिका गएकाले निर्देशनको जिम्मा ऋषिलाई दिईएको हो  
सामिप्यराज तिमल्सिनाको लेखन रहेको यो फिल्ममा शिल्पा पोखरेल, किशोर खतिवडा र नयाँँ प्रस्तुतीको रूपमा पृथ्वीराज प्रसाईं मुख्य भूमिकामा देखिंदै छन् । छबिराज ओझाको मुख्य लगानी रहने यो फिल्ममा सन्तोष पन्त, सपना श्रेष्ठ, रष्मि भट्ट लगायतका कलाकारको पनि अभिनय रहने छ ।
दिजेन्द्र शाक्यको पनि लगानी रहने यस फिल्मलाई मदन कास्यप घिमिरेले छायांकन गर्नेछन् । फिल्ममा अर्जुन पोखरेलको संगीत, कबिराज गहतराज। रामजी लामिछाने र कमल राईको करियोग्राफी रहने छ । यसैगरी द्धन्द निर्देशन चन्द्र पन्तको हुनेछ ।
फिल्मका गीत किरण खरेल र अर्जुन पोखरेलले लेखेका छन् । यो फिल्मलाई चैत्र २६ गते प्रर्दशन गर्ने बताईएको छ । अघिल्लो बर्ष झैं यो बर्ष पनि छबिराज ओझा र बिकास आचार्यको टक्कर पर्ने देखिएको छ ।  गएको बर्षको चैत्र २७ गते छबिराजको हवल्दार सुन्तली र बिकास आचार्यको ुनाईं नभन्नु ल ३ु भिडेका थिए । यो बर्षको चैत्र २६ गते बिकासले ुनाईं नभन्नु ल ४ु रिलिज गर्ने घोषणा गरिसकेका छन् ।  नाईं नभन्नु ल ४ को हाल सुटिङ चलिरहेको छ ।